२९ भदौ, विराटनगर । पछिल्लो एक सातादेखि निरन्तर ओरालो लाग्दै आएको सुनको मूल्यमा आइतबार पनि केही गिरावट देखिएको छ ।
नेपाल सुनचाँदी व्यवसायी महासघंका अनुसार आइतबार छापावाला र तेजाबी सुनको मूल्य प्रतितोला ४०० रुपैयाँले घटेको छ । छापावाला सुनको मूल्य प्रतितोला ७० हजार २०० रुपैयाँ कायम गरिएको छ ।
त्यस्तै, तेजाबी सुनको मूल्य प्रतितोला ६९ हजार ९०० रुपैयाँ कायम भएको छ । पछिल्लो सातादेखि सुनको मूल्य लगातार घट्दै गएको छ । सुनसँगै चाँदीको मूल्यमा पनि सामान्य गिरावट आएको देखिएको छ ।
नेपाली बजारमा चाँदीको मूल्य प्रतितोला ३० रुपैयाँले घटेर प्रतितोला ८४० रुपैयाँ पुगेको महासंघले जनाएको छ ।
पछिल्लो समय अन्तर्रा्ष्ट्रिय बजारमा पनि सुनको मूल्य निरन्तर ओरालो लाग्दै आएको छ । आइतबार विश्वबजारमा सुनको मूल्य प्रतिऔँस एक हजार ४९० दशमलव ५५ अमेरिकी डलरमा झरेको छ । यसअघि सुनको मूल्य प्रतिऔँस एक हजार ५४० अमेरिकी डलरसम्म पुगेको थियो ।
