७ असोज विराटनगर ।
लायन्स क्बल अफ विराटनगर सिटीको अध्यक्षमा घनश्याम पोखरेल निर्वाचित भएका छन । पोखरेल सन २०१९/२०२० को लागि अध्यक्षमा निर्वाचित भएका हुन् ।
लायन्स क्लब अफ विराटनगर सिटीको अध्यक्षमा निर्वाचित भएको पोखरेललाई सोमबार साझ लायन्स क्लब अफ अन्तर्राष्ट्रिय ३२५–एवानका डिस्ट्रिक गर्भनर इन्द्र खत्री (राजन) ले पदभार ग्रहण गराएका थिए । क्लबको प्रथम उपाध्यक्षमा रमेश कार्की र सचिबमा विद्याकान्त दाहाल रहेका छन् ।
नवनिर्वाचि अध्यक्ष पोखरेलले अढाइ महिनामा ३१ वटा सामाजिक काम सम्पन्न गरेको बताए । यसैगरी आउँदो माघ १० गते एकै दिन १ सय ३ वटा सामाजिक काम गर्ने घोषणा समेत गरेका छन । पोखरेलका अनुसार विराटनगर ४ र ५ नम्बर वडाको सिमानामा पर्ने खारजी चौकमा ‘लायन्स पार्क’ बनाउने घोषणा पनि उनले गरेका छन् । पार्क निमार्ण गर्न विराटनगर महानगरपालिकासँग स्वीकृत लिइएको पनि पोखरेलले जानकारी दिए । माघ १० गते लायन्स पार्कको शिलन्यास गर्ने उनले बताए ।
प्रदेश १ का आर्थिक मामिला तथा योजना मन्त्री इन्द्रबहादुर आङबोको प्रमुख अतिथ्यतामा भएको पदभार ग्रहण कार्यक्रममा अन्य दुई वटा लायन्स क्लबमा पनि नयाँ नेतृत्व चयन भएको छ । जसमा लायन्स क्बल अफ विराटनगर यूनिकको अध्यक्षमा लक्ष्मण घिमिरे र ग्लोबलको अध्यक्षमा दिलसाल आलम रहेका छन । सोही अवसरमा विराटनगरस्थित जनजागृती प्राविका २ जना जेहन्दार विद्यार्थीहरूलाई छात्रवृत्ति पनि प्रदान गरिएको थियो ।
