९ असोज, मकवानपुर । हेटौँडा उपमहानगरपालिका–१० को राप्ती पुल नजिकै एक बसको ठक्करबाट एक जना पैदल यात्रुको ज्यान गएको छ । बिहीबार बिहान तीन बजेको समयमा सिलीगुडीबाट काठमाण्डौ जाँदै गरेको ना ५ ख ७९४२ नम्बरको बसले ठक्कर दिँदा पैदल यात्रुको ज्यान गएको हो ।
ज्यान गुमाउनेको परिचय खुल्न नसकेको जिल्ला प्रहरी कार्यालय मकवानपुरका प्रहरी उपरीक्षक (एसपी) मुकेशकुमार सिंहले जानकारी दिए । बसले ठक्कर दिएका यात्रुको घटनास्थलमै ज्यान गएको थियो ।
घटनापछि मकवानपुरबाट खटिएको प्रहरी टोलीले बसका चालक झापा दमक नगरपालिका–१० का ३५ वर्षीय सुदन श्रेष्ठलाई पक्राउ गरेको छ ।