११ असोज, काठमाडौं । बैदेशिक रोजगार ब्यबसायी संघका नवनिर्वाचित अध्यक्ष बिष्णुप्रसाद गैरेले कामदारको हितलाई ध्यान दिएर काम गर्ने बताएका छन् ।
शनिवार काठमाडौँमा भएको साक्षात्कार कार्यक्रममा बोल्दै अध्यक्ष गैरेले कामदारको हित र व्यवसायीको अनुकुलतामा कामगर्ने बताएका हुन । सरोकारवाला निकायसँग समन्वय गरेर सम्बादका आधारमा सहकार्य गर्न आफ्नो कार्यसमिति सधै तयार रहेको पनि बताए ।
अध्यक्ष गैरेले अघिल्लो कार्यसमितिले गरेका गल्तिको कारण ब्यबसायी र मन्त्रालय बीच बढेको दूरीलाई घटाउने प्रतिबद्धता पनि ब्यक्त गरे । सरकारले व्यवसायीको सहमति बिना केही ऐन संसोधन गरेको नियमावली ल्याएकोले ब्यबसायी र सरकारबीच दुरी बढेको बताए ।
गत मंगलबार भएको निर्वाचनमा अध्यक्ष गैरेको नेतृत्वमा नेपाली कांग्रेस निकट मानिएका बहुमत ब्यवसायी केन्द्रीय पदाधिकारीमा आएका छन् । अध्यक्ष गैरेले नेकपा निकट प्रगतिशिल समूहका सरोजकुमार पोखरेललाई ४८ मतले हराएका थिए ।
