२४ असोज, काठमाडौं । प्रधानमन्त्री केपी शर्मा ओलीले राजनीतिक दबाबमा नपरी निष्पक्ष अनुसन्धान गर्न नेपाल प्रहरीलाई निर्देशन दिएका छन् ।
प्रहरी प्रधान कार्यालयमा आयोजित ६४ औं प्रहरी दिवसको कार्यक्रममा प्रधानमन्त्रील प्रहरीले अनुहार नहेरी कानूनको पालना गर्नुपर्ने बताए ।
कुन पार्टी सरकारमा छ, कुन बाहिर छ, प्रहरीले वास्ता गर्नु नपर्ने उनले बताए। कुन पदको, कसले अपराध गर्यो, त्यो पनि प्रहरीले मतलब गर्नुनपर्ने प्रधानमन्त्रीले बताए ।
जुनसुकै आरोपमा पक्राउ परेका ब्यक्ति भएपनि उसको पद र पेशा नहेरी दत्तचित्त भएर अनुसन्धान गर्न प्रधानमन्त्री ओलीको निर्देशन थियो । प्रधानमन्त्री ओलीले देशमा शान्ति सुव्यवस्था कायम गर्न नेपाल प्रहरीले निर्वाह गरेको भूमिकाको प्रशंसा गरे ।
