२५ असोज, दमक ।
नगर बाल सञ्जाल दमक र भुटानी शरणार्थी बाल मञ्चको आयोजनामा दमकमा बालबालिकासँग दसैं कार्यक्रम सम्पन्न भएको छ । अन्तराष्ट्रिय बालिका दिवस २०१९ को अवसरमा शुक्रबार भुटानी शरणार्थी बाल मञ्चको कार्यालयमा असहाय तथा जोखिममा परेका बालबालिकासँग दसैं मनाईएको हो ।
कार्यक्रममा दमक नगरपालिकाकी उपमेयर गीता अधिकारीले सहभागी सम्पूर्ण बालबालिकासहित नगर बाल सञ्जालका पदाधिकारीलाई टीका लगाईदिएकी थिइन् । त्यस्तै कार्यक्रममा असहाय तथा जोखिममा परेका २५ जना बालबालिकालाई पोशाकसहित दैनिक जीवनमा आवश्यक पर्ने सामाग्रीहरु वितरण गरिएको दमक नगर बाल सञ्जालकी उपाध्यक्ष एवं कार्यक्रम संयोजक नम्रता दाहालले जानकारी दिईन् ।
कार्यक्रमका लागि अष्टे«लियाबाट टिकाराम रसाईली, दमक नगरपालिकाकी उप–प्रमुख गिता अधिकारी, अमेरिकाबाट पुनम दाहाल र हेम गिरी तथा रोटरी क्लव अफ दमकका अध्यक्ष सन्दिप चापागाँईले सहयोग गरेका थिए ।
