७ कात्तिक, काठमाडौं ।
पूर्वसभामुख कृष्णबहादुर महरालाई थप सात दिन थुनामा राख्न काठमाडौं जिल्ला अदालतले आदेश दिएको छ ।
अनुसन्धान नसकिएको भन्दै महानगरीय अपराध महाशाखाले पुन म्याद थपको माग गरेकामा बिहीबार न्यायाधीश सुदर्शनराज पाण्डेको इजलासले थप सात दिन हिरासतमा राखेर अनुसन्धान गर्न अनुमति दिएको हो ।
संसद सचिवालयकी कर्मचारीलाई यौन दुव्र्यवहारको आरोपमा प्रहरीले महरालाई असोज १९ गते साँझ पक्राउ गरेको थियो ।काठमाडौं जिल्ला अदालतले महरामाथि अनुसन्धान गर्न यसअघि पहिलो पटक १३ दिन र त्यसपछि ५ दिन म्याद दिएको थियो ।
