१३ कार्तिक, काठमाडौं । प्रधानमन्त्री केपी शर्मा ओलीको नियमित स्वास्थ्य परीक्षण सकिएको छ । बुधबार बिहान नियमित स्वास्थ्य परीक्षणका लागि काठमाडौंको धापासीमा रहेको ग्राण्डी इन्टरनेशनल अस्पताल पुगेका प्रधानमन्त्री ओलीको स्वास्थ्य सामान्य रहेको चिकित्सकहरुले बताएका छन् ।
प्रधानमन्त्री ओली आजै ४ बजेपछि सरकारी निवास बालुवाटर फर्कने प्रधानमन्त्रीका प्रेस सल्लाहकार डाक्टर कुन्दन अर्यालले जानकारी दिए ।
१२ वर्षअघि मिर्गौला फेरेकाले उनले नियमित स्वास्थ्य परीक्षण गराउँदै आएका छन् । स्वास्थ्यमा समस्या देखिएपछि गएको भदौ महिनामा उनले सिंगापुरको नेशनल युनिभर्सिटी अस्पतालमा उपचार गरेर आएपछि प्रधानमन्त्री ओलीले नियमित स्वास्थ्य परीक्षण गर्दै आएका छन् ।
