१९ कात्तिक, गाईघाट ।
उदयपुरको चौदण्डी–७ को भुल्के भन्ने स्थानमा जीप दुर्घटना हुँदा प्रदेशसभा सदस्य सञ्जाकुमारी दनुवार र त्रियुगा नगरपालिकाका उपप्रमुख देवीकुमारी चौधरी गम्भीर घाइते भएका छन् ।
सोमबार साँझ विराटनगरबाट गाईघाट आउने क्रममा उनीहरु चढेको त्रियुगा नगरपालिकाको स १ झ ५३१ नम्वरको जीप अनियन्त्रित भई सडकमै पल्टिएको थियो ।
घाइते दुवै जनाको चौदण्डीको बेल्टार अस्पतालमा प्राथमिक उपचारपछि थप उपचारका लागि सुनसरीको धरानस्थित बीपी कोइराला मेमोरियल अस्पतालमा पठाइएको उदयपुरका प्रहरी प्रमुख वीरबहादुर बुढामगरले जानकारी दिए ।
जीप चालक योगेश चौधरीको अवस्था भने सामान्य रहेको उनले जानकारी दिए ।
