आजका प्रमुख खबरहरुः
१.(चोरको चर्तिकला)
बैंकमा खाता खोली अरुको हस्ताक्षर नक्कल गरी करिव २० लाख रकम निकाल्ने ६ जनाको गिरोह पक्राउ/ विभिन्न बैंकहरुको चेकबुक, फर्म, भिसा कार्ड, करिब ३ सय जनाको नागरिकताको फोटोकपी तथा हस्ताक्षरका नक्कलहरु पनि बरामद ।
२.(स्वास्थ्य सुधारोन्मुख)
मंगलबार ‘एपेन्डिसाइटिस’ तथा ‘पेरिटोनाइटिस’को शल्यक्रिया गरिएका प्रधानमन्त्री केपी शर्मा ओलीको स्वास्थ्यमा सुधार /मनमोहनमै प्रधानमन्त्रीको डायलासिस गरिँदै /चिकित्सकहरुका अनुसार प्रधानमन्त्री ओलीलाई अझै केहीदिन अस्पतालमै राखिने ।
३.(बस दुर्घटना)
सन्धिखर्कबाट बुटवल आउँदै गरेको बस अर्घाखाँचीको नरपानीमा दुर्घटना / एक दर्जनबढीको घटनास्थलमै मृत्यु /बस सडकबाट करिब तीन सय मिटर तल खसेर दुर्घटना भएको प्रहरीको भनाई ।
४.(चाडो गरौं)
लिम्पियाधुराका बारेमा प्रमाण जुटाएर सरकार अघि बढ्ने भूमि व्यवस्थामन्त्री पद्मा कुमारी अर्यालको भनाई / समय समयमा प्रकाशित नक्साहरुमा एकरुपता नदेखिएबाट नै सीमा सुरक्षा सुगौली सन्धि देखिकै भएको प्रटोक्ति ।
५.(समायोजना होइन फिर्ता)
सरकार र मेडिकल कलेज सञ्चालक बीच भएको सहमति विद्यार्थीद्वारा अस्वीकार / शुल्क समायोजनका नाममा सरकारले विद्यार्थीलाई झुक्याएको र मेडिकल कलेज सञ्चालकलाई पोसेको आरोप ।
६.(विवेकी निर्देशन)
टुटल पठाओलाई नरोक्न भौतिक पूर्वाधार तथा यातायातमन्त्री बसन्त कुमार नेम्वाङको निर्देशन/ कानुन नबनुन्जेल यस्ता सेवालाई यथास्थितिमा चल्न दिन निर्देशन दिएको मन्त्रालयका प्रवक्ता राजेश्वर ज्ञवालीको भनाई ।
७.(खेल खेल्ने समय)
आउँदो शनिबार हुन लागेको उपनिर्वाचनको मौन अवधि आज मध्यरातदेखि सुरु हुँदै/ प्रतिनिधिसभा सदस्य तथा प्रदेशसभा सदस्यमा ९५ दल र स्थानीय तहमा ७८ दल सहभागी ।
८.(बाटो गलतपर्याे)
उपनिर्वाचन बहिस्कारको आन्दोलन घोषणा गरेको नेत्र विक्रम चन्द (विप्लव) नेतृत्वको नेकपाका चार जना नेता कार्यकर्ता सल्यानबाट पक्राउ / चुनाव बिथोल्ने जो सुकैलाई पनि कडा कारबाही गर्ने चेतावनी ।
९.(कालोपत्रेको शिलन्यास)
सुनसरीको कोशी कटानबाट भारतीय सीमा विरपुर लाहीसम्मको सडक कालोपत्रेको वातावरणमन्त्री जगदीश कुसियतद्वारा शिलन्यास /भौतिक पुर्वाधार मन्त्रालयको ३० करोड बजेटमा ५० फिटको ढलसहितको सडक कालोपत्रे गरिने ।
१०.(स्वरोजगारका प्रावधान)
सरकारले युवा स्वरोजगारको नाउँमा सिधै अनुदान नदिई उत्पादनका साधनमा मात्र अनुदान दिने अर्थमन्त्री डा. युवराज खतिवडाको भनाई /प्रकृया पुगेपछि पनि बैंकहरुले कर्जा नदिए अर्थ मन्त्रालयमा उजुरी गर्न सकिने ।
११.(पशुपतिलाई सवारी)
भारतीय महिला संघ काठमाडौंद्वारा पशुपति क्षेत्र विकास कोषलाई २ वटा विद्युतीय सवारी साधन उपलब्ध/ मन्दिरमा आउने अशक्त तीर्थयात्रीका लागि विद्युतिय सवारीसाधनहरु उपयोगी हुने संघको विश्वास ।
१२.(चिलिमेको लाभ)
चिलिमे जलविद्युत कम्पनीले २५ प्रतिशत लाभांश वितरण गर्ने / चिलिमे अन्तर्गतका अन्य आयोजनाहरुको निर्माण सम्पन्नपछि लाभांश वितरण गर्ने क्षमता बढउने तयारी ।
१३.(मुस्लिम मैत्रीकतार)
नेपालका मुस्लिम समुदायको शिक्षा, स्वास्थ्य र समग्र विकासका क्षेत्रमा काम गर्ने कतार सरकार इच्छुक / कतार सरकारको सहयोग ग्रामीण क्षेत्रका मुस्लिम समुदायको उत्थानमा लगाइने मुस्लिम आयोगको भनाई ।
१४.(स्याबास चेली)
१३ औं दक्षिण एसियाली खेलकुद (साग)को महिला भलिबलमा नेपालको सुखद सुरुवात/ बुधबार भएको उद्घाटन खेलमा नेपालद्वारा बंगलादेश ३–० को सोझो सेटमा पराजित ।
र,
१५.(बग्दादमा बम)
इराकको राजधानी बग्दादमा तीन ओटा बम विस्फोट हुँदा कम्तीमा छ जनाको मृत्यु / १७जना घाइते /घटनामा इस्लामिक स्टेट (आईएस) को संलग्नता रहेको हुन सक्ने आशंका ।
