१६ मंसिर, काठमाडौँ ।
बिबादित बनेको नेपाल भारत सीमा बारे छलफल गर्न कुटनैतिक माध्यम प्रयोग गर्न परराष्ट्रविदहरुले सुझाव दिएका छन् । काठमाडौँमा नीति अनुशन्धान प्रतिष्ठानले गरेको छलफल कार्यक्रममा परराष्ट्रविदहरुले सीमा विवाद सुल्झाउन चरणबद्ध रुपमा कुटनैतिक तवरमा बार्ता गर्न सुझाव दिएका हुन् ।
छलफलमा परराष्ट्र मामिलाका प्राध्यापक डा. खड्ग केसी र पुर्व सचिव ज्ञान चन्द्र आचार्यले अहिले वार्ता गर्ने उपयुक्त समय भएकोले नेपालले सचिव स्तरमा बार्ता थाल्न पहल गर्नु पर्ने बताए । डा. केसीले विवाद मिलाउन कुटनैतिक प्रणाली नै राम्रो विकल्प भएको बताए । वार्तालाई निष्कर्ष दिन मन्त्रिस्तरिय र प्रधानमन्त्रि स्तरिय बार्ता पनि आवश्यक पर्ने बताउदै डा. केसीले परराष्ट्रमन्त्रालयका सचिव स्तरीय बार्ता सुरु गर्न आग्रह गरे ।
यस्तै पूर्व परराष्ट्र सचिव ज्ञान चन्द्र आचार्यले राजनैतिक स्तरमा संवादको थालनी उच्चस्तरमा गरिए पनि औपचारिक रुपमा बार्ताको थालनी सचिव स्तरमा नै गर्न आग्रह गरे । तर बर्तमा बस्नु अघि दस्तावेज र प्रमाणहरु संकलन गर्नु पर्ने बताए । छलफल कार्यक्रममा सहभागी पूर्वसचिव मधुरमण आचार्यले भने सीमा सम्बन्धि बिबाद राजनैतिक रुपमा छलफल गरेर सहमति गरे पछि मात्र प्राविधिक र प्रसासनिक रुपमा बार्ता गर्नुपर्ने बताए । कुनैतिक तवरले बार्ता थालियो भने मुद्दा ओझेलमा पर्ने तर्क गरे ।
नीति अनुशन्धान प्रतिष्ठानले नेपाल र भारत बीच देखिएको विभिन्न क्षेत्रका सीमा विवाद बारे स्थानीय जनता र जना प्रतिनिधि सहित बिज्ञहरु सँग छलफल गरेको छ । छलफलको प्रतिवेदन परराष्ट्र मन्त्रालयलाई दीइने प्रतिष्ठानले बताएको छ ।
