१८ मंसिर, काठमाडौं । गोदावरीमा सडक विस्तारको काम गर्दै गरेका एक स्काभेटर चालकलाई स्थानीयले कुटपिट गरेका छन् । बुधबार बिहान आठ बजे गोदावरी बसपार्कभन्दा डेढ किलोमिटर तल पर्खाल लगाउँदै गरेका स्काभेटर चालक सन्तोष कोइरालालाई स्थानीयले हात भाँच्चिने गरी कुटपिट गरेका हुन् ।
सेन्टरबाट ८ मिटर चौडाइमा पर्खाल लगाउने क्रममा केही स्थानीय आएर आक्रमण गरेको लामा समान्तर जेभी गोदावरी सडक विस्तारका आयोजना प्रमुख विज्ञानेश्वर माकजुले जानकारी दिए।
उनको अहिले मिडसिटी पोलिक्लिनिकमा उपचार भइरहेको छ। बाडेगाउँ(गोदावरीको ३ किलोमिटरको सडक विस्तारमा पहिले सेन्टरबाट १०(१० मिटर फराकिलो बनाउने निर्णय भएको थियो। तर स्थानीयले पटकरपटक विरोध गरेपछि सहमतिमा सडक ८ मिटरमा घटाएको हो ।
सोही विवादका कारण एक वर्षसम्म काम प्रभावित भएको जेभीको भनाइ छ । एक वर्षको म्याद थपपछि जेभीले दुई महिना अघिमात्रै काम सुरू गरेको हो । समान्नतर जेभीले १० जनाविरूद्ध जाहेरी दिएको छ । आक्रमण गर्नेहरू भने फरार छन् ।
