७ पुस, विराटनगर ।
पछिल्लो केही दिनगयता तराईमा चिसो बढेसँगै विशेषगरी विपन्न व्यक्तिहरुलाई चिसोबाट जोगिन मुस्किल पर्न थालेको छ । केही दिनदेखि क्रमश : चिसो बढ्न थालेपछि पहिलो पाईला नेपालले विराटनगरका सडकमा रात विताउनेहरुलाई न्यानो कपडा वितरण गरेको छ ।
पहिलो पाईला नेपालले शनिबार राती मात्रै विराटनगर बस पार्क, कोशी अस्पताल आसपास, काली मन्दिर, शनि मन्दिर रोड लगायतका क्षेत्रमा सडकमा रात विताउनेलाई न्यानो कपडा वितरण गरेको हो ।
जाडो समयमा सडकमा रात बिताउनेको जीवनलाई मध्येनजर गर्दै न्यानो माया अभियान अन्तर्गत कपडा वितरण गरिएको पहिलो नेपाल विराटनगरका अध्यक्ष सुबास गौतमले जानकारी दिए ।
