८ पुस,विराटनगर ।
पूर्वका विभिन्न क्षेत्रबाट लागूऔषधसहित ३ जना पक्राउ परेका छन् । झापा मेची नगरनगरपालिका ७ बस्ने २४ बर्षीय खड्गबहादुर दर्जी र सोही स्थानका २० बर्षीय दिपेन कार्र्की लागुऔषध खैरो हिरोयन ब्राउनसुगर सहित पक्राउ परेका छन् ।
सोमबार बेलुका साढे ७ बजे मेचीनगर नगरपालिका–६ स्थित सिमा क्षेत्र एरियाबाट दुबै जनालाई ६ सय मिलिग्राम ब्राउनसुगरसहित ईलाका प्रहरी कार्यालय काँकडभिट्टाबाट खटिएको प्रहरी टोलीले पक्राउ गरेको हो । यसै गरी धरानको तिनकुनेबाट धरान –८ बस्ने ५१ बर्षीय राजु बुढाथोकी लागुऔषध सहित पक्राउ परेका छन् ।
अस्थाई प्रहरी पोष्ट तिनकुनेबाट चेकीङमा खटिएको प्रहरीले ईटहरीबाट धरान तर्फ ट्याम्पुमा सवार गरी गईरहेका बुढाथोकीलाई चेकजाँच गर्ने क्रममा उनको साथबाट ९४ एम्पुल लुपिजैसिक,डाईजेलाप र फेरागन जस्ता लागुऔषध फेला पारी बरामद गरेको हो । पक्राउ परेका तिनै जना उपर सम्बन्धित कार्यालयबाट कानुनी कारबाही अगाडी बढाईएको सोही कार्यालयले जनाएको छ ।
