११ पुस, सुनसरी ।
अनुयायीबलात्कारको आरोप लागेका सिद्धबाबा भनिने कृष्णबहादुर गिरी विरुद्धको अदालती प्रकृया सुरु भएको छ । आफ्नै अनुयायीमाथि बलात्कारको आरोप लागेका सिद्धबाबा भनिने कृष्णबहादुर गिरीलाई कारबाहीको माग गर्दै महिला अधिकारकर्मीहरुले जिल्ला अदालत सुनसरी अगाडी प्रदर्शन गरेका छन् ।
सिद्धबाबा विरुद्धको जबरजस्ती करणी मुद्दामा जिल्ला अदालत सुनसरीमा थुनछेक बहस सुरु भएसँगै अधिकारकर्मीहरुले बलात्कारीलाई फाँसी दे भन्दै नाराबाजी गरिरहेका छन । त्यस्तै सिद्धबाबाका अनुयायीहरुले पनि राम राम हरे हरेको नारा लगाउँदै प्रर्दशन गरिरहेका छन । सिद्धबाबालाई फसाएको जिकीर गर्दै सर्मथकले र्याली गरेका छन भने धर्मको आँडमा अस्मिता लुट्ने बलात्कारीलाई फाँसी दे भन्दै महिलाहरुले आन्दोलन गरिरहेका छन ।
बलात्कारको आरोपमा पक्राउ परेका सिद्धबाबाविरुद्ध १० वर्ष कैद सजाय माग गर्दै बिहीबार मुद्दा दर्ता भएको थियो। जिल्ला अदालतले बहसपछि उनलाई धरौटीमा हिरा गर्ने वा थुनामा पठाउने निर्णय गर्ने छ । जिल्ला प्रहरी कार्यालय सुनसरीको अनुसन्धान प्रतिवेदनअनुसार जिल्ला सरकारी वकिल कार्यालयले जिल्ला अदालत सुनसरीमा मुद्दा दर्ता गरेको थियो ।
आफ्नै एक अनुयायीलाई बलात्कार गरेको आरोपमा प्रहरीले उनलाई २५ दिनअघि पक्राउ गरेको थियो। २५ दिनसम्म अनुसन्धान गरेर बिहीबार मुद्दा दर्ता गरिएको प्रहरीले जनाएको छ । गिरी हालसम्म हिरासत नभई अस्पतालमै बसिरहेका थिए । गिरीविरुद्ध मुलुकी अपराध संहिता २०७४ को दफा २१९ ९३० ‘ङ’ अनुसार सजाय माग दाबी गरिएको छ । यस दफा अनुसार १८ वर्ष वा सो भन्दा बढी उमेरका महिलालाई बलात्कार गरेमा ७ वर्षदेखि १० वर्षसम्म कैद हुने व्यवस्था छ।
