२ माघ, विराटनगर ।
मोरङको पथरी सडकखण्डमा सवारी साधनहरूको प्रेसर हर्न हटाउन थालिएको छ । जिल्ला प्रहरी कार्यालय मोरङले अधिक ध्वनी प्रदुषणका कारण जनस्वास्थ्यमा असर पारेको भन्दै नहटाएमा कानुन बमोजिम कारबाही गर्ने जनाएको हो ।
यसैअन्तर्गत बुधबार पथरी सडक खण्डबाट १४० वटा सवारी साधनहरूको प्रेसर हर्न हटाई आवश्यक कारवाही समेत गरिएको प्रहरीले जनाएको छ । प्रहरीले सबै सवारी साधनहरूले समेत तत्काल स्वंय प्रेसर हर्न हटाउन अनुरोध समेत गरेको छ ।
