३ माघ, काठमाडौँ । निजगढ अन्तराष्टिय विमानस्थलको निर्माणको जिम्मा स्वीजरल्याण्डको ज्युरिच एयरपोर्ट इन्टरनेसनल एजीले पाएको छ ।
निर्माणका लागि आवेदन दिएका सात कम्पनीमध्ये ज्युरिच एयरपोर्ट इन्टरनेसनले मात्र आवश्यक मापदण्ड पूरा गरेको बोर्डले जनाएको छ । बोर्डले शुक्रबार सूचना जारी गरी आरएफपी पेश गर्न एजीलाई निर्देशन दिएको छ ।
गत चैतमा काठमाडौँमा भएको लगानी सम्मेलनमा निजगढ विमानस्थल निर्माणका लागि सातवटा कम्पनीले आवेदन दिएका थिए । विमानस्थलाई सार्वजनिक, निजी साझोदारी (पिपिपी) मोडेलमा निर्माण गर्ने टुंग्यो लगानी बोर्डले लगभग लगाएको छ ।
बाराको निजगढमा बन्ने विमानस्थल निमार्णका क्रममा ठूलो मात्रामा जंगल विमान हुने भन्दै वातावरण अभियान्ताहरुले अन्यत्र सार्नुपर्ने माग राख्दै आएका छन् ।
सरकारले गत मंसिरमै निर्माण कार्य सुरु गर्ने तयारी गरे पनि सर्वोच्च अदालतले तत्काल निर्माण कार्य अघि नबढाउन आदेश दिएपछि रोकिएको छ ।
