२१ माघ, काठमाडौं । कतार एयरवेज शहीद स्मारक ए डिभिजन लिगमा मङ्गलबार दशौं चरणका खेल सकिँदैछन् । दशौं चरणको अन्तिम खेलमा एनआरटी र फ्रेण्ड्स क्लबबीच प्रतिस्पर्धा हुँदैछ ।
खेल एन्फा कम्प्लेक्स मैदानमा अपराह्न तीन बजे सुरु हुँदैछ । लिगको पाँचौं स्थानमा रहेको एनआरटीको १५ अङ्क छ । एनआरटीले नौ खेलमध्ये पाँचमा जित हात पारेको छ भने दुई खेल बराबरी र दुईमा हार ब्यहोरेको छ ।
यस्तै, फ्रेण्ड्स ११ अङ्कसहित १०औँ स्थानमा छ । फ्रेण्ड्सले तीन खेलमा जित हात पारेको छ भने दुईमा बराबरी र चारमा पराजय भोगेको छ । यो खेलमा एनआरटी र फ्रेण्ड्स दुवै टोली जित निकाल्दै शीर्ष ६ मा सुरक्षित रहन चाहन्छन् ।
