१६ फागुन, काठमाडौं । महिला टी–२० विश्वकपको फाइनल हेर्न ठूलो सङ्ख्यामा दर्शक उपस्थित हुने भएका छन् ।
अस्ट्रेलियाको मेलबर्न क्रिकेट ग्राउण्ड (एमसीजी) मा हुने फाइनल खेलका लागि ५० हजारभन्दा बढी टिकट बिक्री भइसकेको अन्तर्रा्ष्ट्रिय क्रिकेट काउन्सिल (आईसीसीले) ले बताएको छ ।
आउँदो मार्च ८ मा फाइनल खेल हुनेछ । प्रतियोगिता अन्तर्गत अहिले समूह चरणको खेलहरु भइरहेको छ । टी–२० विश्वकप फाइनलको टिकट बिक्रीलाई हेर्दा यसले यसअघि महिला प्रधान खेलकुद प्रतियोगितामा रहेको आधिकारिक रेकर्डलाई तोड्ने विश्वास गरिएको छ ।
