२२ चैत, विराटनगर ।
रोटरी क्लब अफ बिराटनगर सेन्ट्रलले विशेष क्षमता भएका व्यक्तिहरुका लागि राहत स्वरुप खाद्यान्न वितरण गरेको छ । विराटनगर–६ का अति विपन्न तथा बिशेष क्षमता भएका व्यक्तिहरुलाई क्लबकी अध्यक्ष श्रृति शर्माको संयोजनमा गएको टोलील बिशेष क्षमता भएका २५ परिवारलाई खाद्यान्न वितरण गरेको हो ।
सो क्रममा पीडितहरुलाई १० किलो चामलसहित,दाल,तेल ,आलु , नुहाउने , लुगा धुने साबुन लगायतका सामग्री वितरण गरिएको थियो । कोरोना भाईरसको जोखिमलाई नियन्त्रणगर्न घोषणा गरिएको लकडाउनले विपन्न,असहाय र एकल महिलाहरु भोकभोकै पर्ने अवस्था सृजना भएपछि क्लबले यसप्रकारको अभियान चलाएको शर्माले बताइन् ।
युवा अभियन्ता समेत रहेकी सेन्ट्रलकी अध्यक्ष शर्माले यो अभियानबाट बिपन्न नागरिकहरुलाई थोरै भएपनि राहत पुगेका बताइन् । उनले यो अभियानलाई निरन्तरता दिइने बताइन् । राहत प्रहरीको निगरानीमा बाडिएको थियो ।
राहत वितरणमा सहभागि वडाध्यक्ष विजय कामतले वडाले समेत विपन्नलाई राहत वितरण गरिरहेको बताउदै वडामा रहेका फरक क्षमता भएकाहरुको परिवारलाई राहत वितरण गरेकोमा रोटरी क्लब अफ बिराटनगर सेन्ट्रल परिवारलाई धन्यवाद दिए ।
