१९ बैशाख, काठमाडौं । विश्वभर १० लाख ४२ हजारभन्दा धेरै कोरोना भाइरस (कोभिड १९) सङ्क्रमित निको भएर घर फर्किएका छन् ।
२ सय १२ देश र दुई वटा अन्तर्रा्ष्ट्रिय पानी जहाजमा भाइरस फैलिँदा ३३ लाख ८ हजार जनाभन्दा धेरैमा सङ्क्रमण पुष्टि भएकोमा १० लाख ४२ हजार ८ सय ४१ जना निको भएको वल्र्डोमिटरले जनाएको छ ।
सङ्क्रमितमध्ये २० लाख ३१ हजारभन्दा धेरैको उपचार भइरहेको छ । उपचार गराइरहेका मध्ये ३ प्रतिशतको अवस्था जटिल रहेको र बाँकीको अवस्था सामान्य रहेको वल्र्डोमिटरले जनाएको छ । सङ्क्रमणका कारण अहिलेसम्म दुई लाख ३४ हजारभन्दा धेरैको ज्यान गएको छ ।