२ जेष्ठ, काठमाडौं । गृहमन्त्रालयले पूर्वराजा ज्ञानेन्द्र शाह र पत्नी कोमललाई झापाबाट काठमाडौँ जान सवारी पास उपलब्ध गराएको छ ।
बिहीबार सवारी पास जारी गरिएको केही घण्टामै गृहमन्त्रालयको निर्देशनमा झापाका प्रमुख जिल्ला अधिकारीले सवै पास रद्ध गरेका थिए ।
उक्त निर्णयको सामाजिक सञ्जाल र आम नागरिकवृत्तबाट चर्काे विरोध भएको थियो । बिहीबार अवेर राति नै पुनः गृह मन्त्रालयले सवारी पास दिने निर्णय गरेको बुझिएको छ ।
पूर्वराजदम्पत्ती आफ्ना सहायक र सुरक्षा टोलीसहित शुक्रबार बिहान करिव साढे आठ बजे दमकबाट काठमाडौँ प्रस्थान गरिसकेका छन् ।
लकडाउन अघि झापा आएका पूर्व राजा लकडाउनका कारण झापामै बस्दै आएका थिए ।
