२ जेठ, विराटनगर ।
युवा उद्यमीहरुको साझा संगठन नेपाल युवा उद्यमी मञ्च विराटनगरको नयाँ कार्यसमिति चयन भएको छ । लकडाउनका बीच सामाजिक दुरी कायम गर्दे मञ्चको साधारणसभाबाट सृजन प्याकुरेलको अध्यक्षतामा आज नयाँ कार्यसमिति चयन गरिएको निवर्तमान अध्यक्ष मनोजविक्रम साहले जानकारी दिए ।
नवगठित कार्यसमितिको प्रथम उपाध्यक्षमा युनेशराज श्रेष्ठ, द्वितीय उपाध्यक्षमा राघव कोइराला, सचिवमा स्वेता तुलाधर तथा कोषाध्यक्षमा उकेश अग्रवाल चयन भएका छन् । यसैगरी आगामी कार्यकालका लागि मञ्चको कार्यक्रम संयोजक शुभम् भट्टराई लर्निंग सेसन कोअर्डीनेटरमा रन्जित भगत, सन्चार संयोजकमा सन्जिव सिग्देल, कानुनी सल्लाहकारमा रोमन कट्टेलर इण्टर च्यापटर कोअर्डीनेटरमा अनमोल प्रधान चयन भएका छन् । कार्यसमितिको सदस्यमा रितेश खनाल रहेका छन् ।
युवाहरुको हक अधिकार तथा युवालाई रोजगार उपलब्ध गराउने मुख्य उद्धेश्य बोकेको मंचका देशभर रहेका ७ च्याप्टरमा गरी ५ युवा उद्यमी सय सदस्य रहेका छन् । नेपाल युवा उद्यमी मंच नेपालमा २००४ मा स्थापना भएको हो ।
