१९ जेष्ठ, एजेन्सी । श्रीलंकाले आजबाट क्रिकेट प्रशिक्षण सुरु गर्ने भएको छ । कोरोना भाइरसको महामारीका कारण करिव साढे दुई महिनापछि श्रीलंकन टिम मैदानमा उत्रन लागेको हो ।
श्रीलकंन क्रिकेट बोर्डले १३ खेलाडीलाई १२ दिनसम्म प्रशिक्षणका लागि अनुमती दिएको छ । प्रशिक्षणको समयमा खेलाडीले सामाजिक दुरी भने कायम राख्नुपर्नेछ ।
श्रीलंकाले इंग्ल्याण्डसँग मार्चमा दुई वटा टेष्ट खेल्ने तालिका रहेको थियो । तर, कोरोनाका कारण टेष्ट अनिश्चितकालका लागि स्थगित भएको थियो ।
जसका कारण इंग्ल्याण्ड टिम प्रतियोगिता नखेली फर्किएको थियो । श्रीलंकाले जुन र जुलाईमा दक्षिण अफ्रिका र भारतसँग तीन तीन एकदिवसिय सिरीज खेल्नेछ ।
यस्तै उसले बंगलादेशसँगपनि टेष्ट सिरीज खेल्नुपर्नेछ । श्रीलंकन बोर्डले खेलाडीको फिटनेस सेसनपछि मैदानमा प्रशिक्षणका लागि पठाउने छ ।
आज खेलाडीको फिटनेश टेष्ट हुनेछ । त्यसपछि मात्र मैदानमा प्रशिक्षणका लागि पठाइनेछ ।
खेलाडीलाई प्रशिक्षणका बेला विशेष क्वारेन्टिनमा राखिनेछ । प्रशिक्षणमा सहभागि भएका खेलाडीलाई तीन फरम्याटका लागि छनोट गरिनेछ ।
