२ असार, काठमाडौँ ।
यूएईबाट जेठ २३ मा नेपाल आएकी एक महिलामा कोरोना भाइरस (कोभिड-१९) संक्रमण पुष्टि भएको छ । एयर अरेबियाको जी नाइन १७५१ चार्टर फ्लाइटबाट नेपाल आएकी सिन्धुली दुधौली-९ की ३० वर्षीया महिलामा कोरोना भाइरस संक्रमण पुष्टी भएको हो ।
चाँगुनारायण नगरपालिका-७ खरिपाटीस्थित विद्युत प्राधिकरण तालिम केन्द्रको क्वारेन्टाइनमा बसेकी उनलाई कोरोना पुष्टी भएपछि मङ्गलबार शुक्रराज ट्रपिकल तथा सरुवा रोग अस्पताल टेकु पठाइएको महानगरीय प्रहरी परिसर भक्तपुर प्रमुख एसपी सबिन प्रधानले बताए । उनको अवस्था सामान्य छ ।
सोही विमानमा आएकी २६ वर्षीया महिलामा जेठ ३० मा कोरोना संक्रमण पुष्टि भएपछि उनकै कन्ट्याक ट्रेसिङमा परेकाको ‘स्वाब’ को नमूना संकलन गरेको थियो । जसमध्ये ती महिलामा मात्र कोरोना भाइरस संक्रमण पुष्टी भएका हो। यूएईबाट आएका मध्ये १२ जनालाई खरिपाटी क्वारेन्टाइनमा राखिएको छ ।
