योगेन्द्र योगी
४ असार, दोहा । कोरोना भाइरसको कारण बहराइनमा समस्यामा परेका नेपालीहरुलाई स्वदेश फर्काउनको लागि बहराइनबाट काठमाडौँका लागि आगामी २५ जुनमा दोस्रो उडानको मिती तय भएको बहराइनस्थित नेपाली दूतावासले जनाएको छ ।
दूतावासका अनुसार पहिलो चार्टर जहाजले २१ जुन आइतबारका दिन उडान भर्नेछ । दोस्रो उडानबाट उडानबाट स्वदेश फर्कने नेपालीहरुको सूचि नेपाल सरकारले निर्धारण गरेको प्राथमिकताका आधारमा दूतावासले तयार गरिएको दूतावासले जनाएको छ ।
दोस्रो उडानका लागि प्राथमिकतामा २९१ जना परेका छन् । सो चार्टर उडानका लागि सेवा प्रदायक कम्पनी नेपाल एयरलाइन्सले अमेरिकी डलर ३ सय ९२ अर्थात करिब १४८ डिनार तोकेको दूतावासले जनाएको छ ।
स्वदेश फर्कने व्यक्तिले हवाई उडान गर्नु अगाडि कोभिड संक्रमण नभएको स्वास्थ्य परीक्षण पिसीआर÷आरडिटी वा अन्यृ कुनै स्विकृत प्राप्त चिकित्सकबाट कोरोना लक्षण नदेखिएको फिट टु फ्लाइट प्रमाणपत्र ७ दिन म्याद रहने गरि साथमा राख्नुपर्ने दूतावासले जनाएको छ ।
यसरी फर्कने व्यक्तिले स्वदेश आइसकेपछि यातायात खर्च र होटल तथा क्वारेन्टिन खर्च आफैँले व्यहोर्नु पर्ने जानकारी गराइएको छ। उडान भर्ने बेलामा सबै यात्रुले मास्क अनिवार्य रुपमा प्रयोग गर्नुपर्ने दूतावासले जनाएको छ ।
यी हुन् बहराइनबाट २५ जुनमा दोस्रो उडानमार्फत आउने नेपालीहरुको सूची ।
