१८ असार, मोरङ । बिराटनगर महानगरपालिका १२ बखरीबाट भन्सार छली गरी ल्याएको करिव ५ लाख भन्दा बढीको अबैध समानसहित ६ जनालाई प्रहरीले पक्राउ गरेको छ ।
बिहीबार बिहान ४ बजे १ नम्बर प्रदेश प्रहरी कार्यालय बिराटनगरबाट सादा पोशाकमा खटिएको प्रहरी टोलीले को १ ह ८४५१ टेम्पो र को १३ प ४२४७ नम्बरको मोटरसाईकलमा लोड गरेर ल्याउँदै गरेको अवस्थामा टेम्पो चालक बिराटनगर १५ का राजा पासवान सहित बिशाल चौधरी, सोनु चौधरी, रोहित चौधरी, पुरुषोत्तम चौधरी र अबिनाश चौधरीलाई पक्राउ गरेको हो । उनीहरुको साथबाट प्रहरीले भारतबाट नेपाल तर्फ अबैध रुपमा भन्सार छली गरि ल्याएका अन्दाजी ५ लाख ३० हजार रुपैयाँ बराबरको बिभिन्न किसिमका लत्ता कपडा बरामद गरेको हो ।
बरामद भएको समान , पक्राउ परेका मानिस तथा सवारी साधन समेत आवश्यक कारवाहीको लागि बिराटनगर भन्सार कार्यालय पठाईएको प्रहरीले जनाएको छ।
