९ साउन, विराटनगर ।
अस्पताल पुर्याईएको १ घण्टासम्म पनि उपचार सुरु नगरेपछि विराटनगरस्थित कोशी अस्पतालमा उदयपुरका २३ वर्षीया पदम बहादुर राईको मृत्यु भएको छ ।
अस्पतालको आकस्मिक कक्ष बाहिर ल्याएर एक घण्टासम्म विरामीलाई पर्खाउँदा उनको अस्पताल परिसरमै एम्बुलेन्समा मृत्यु भएको हो ।उदयपुरको कटारी नगरपालिका–५ का राईलाई स्वास फेर्न समस्या भएपछि स १ च १२०५ नम्बरको एम्बुलेन्सबाट उपचारका लागि ल्याईएको थियो ।
विरामी लिएर दुईजना महिलाहरु आएका थिए । चालक सुवास तामाङका अनुसार २ः४५ बजे अस्पताल परिसरमा आईपुगेको एम्बुलेन्सबाट विरामी झार्न अस्पताल प्रशासनले अस्वीकार गरेको थियो । त्यसको एक घण्टापछि मृत्यु भएको हो ।
अस्पतालका मेडिकल सुपरिटेन्डेन्ट डा.चुमनलाल दासले विरामी ‘क्रिटिकल’ अवस्थामा देखिएकोले धरान पठाउन रेफर गरिएको र तत्काल धरान पठाउन समन्वय गरिरहेको अवस्थामा विरामीको मृत्यु भएको बताए ।
्अस्पताल परिसरमै विरामीको मृत्यु भएपछि स्वाब संकलन गरेर परीक्षण गरिने भएको छ । साथै विरामी लिएर आएका दुईजना महिला र चालकको समेत स्वाब संकलन गरिने भएको छ ।
