२० साउन, काठमाडौं ।
कोरोना भाइरस(कोभिड–१९) संक्रमणबाट दक्षिण अफ्रिकामा एक नेपालीको मृत्यु भएको छ । पाँचथर घर भएका ३४ बर्षीय उनको सोमबार मृत्यु भएको बताइएको छ ।
केही समय अघिबाट उनी दक्षिण अफ्रिकाको जोहान्सबर्गमामा सर्फ बनाउने कारखानामा सेक्युरिटी सुपरभाइजरका रुपमा काम गर्दै आएका थिए ।
दक्षिण अफ्रिकामा कोरोना भाइरसको संक्रमणबाट सम्भवत पहिलो नेपालीको ज्यान गएको गैरआवासीय नेपाली संघले जनाएको छ ।यसअघि दक्षिण अफ्रिकामा कोरोनाबाट कुनैपनि नेपालीको ज्यान गएको सूचना नआएको संघले जनाएको छ ।
