२२ साउन, काठमाडौं ।
कोरोना भाईरस (कोभिड–१९) लगायत विभिन्न कारणले विदेश अलपत्र १४६६ जना नेपाली बिहीबार स्वदेश आएका छन् । बिहीबार एक दर्जन उडानबाट उक्त संख्यामा नेपाली घर फर्किएका हुन् ।
त्रिभुवन विमानस्थल कार्यालयका अनुसार बिहीबार हिमालय एयरलाइन्सले दमामबाट १५४ जना र दोहाबाट १ सय ५७ जना नेपाली ल्याएको छ भने नेपाल एयरलाइन्सले रियादबाट २५९ जना र दमामबाट १ सय ४४ जनालाई ल्याएको छ ।
त्यस्तै मालिन्दो एयरले क्वालालाम्पुरबाट १७८ जनालाई काठमाडौं ल्याएको छ । एयर अरेवियाले सारजहाबाट १६८ नेपालीलाई घर फर्काएको छ । इस्तानबुलबाट काठमाडौं आएको टर्किस एयरलाइन्सले ७६ जना यात्रु बोकेको थियो ।
एयर अरेबियाको दोस्रो उडानबाट बिहीबार नै १ सय ६६ जना यात्रु काठमाडौं आए । बिहीबार नेपाल एयरलाइन्सका दुई जहाज दुबई र रियाद उड्नेछन् । यी जहाज शुक्रबार आउने कार्यक्रम छ ।
शुक्रबार भने विभिन्न गन्तब्यमा कुल १४ उडानरअवतरणको तालिका रहेको जनाईएको छ ।
