२७ साउन, काठमाडौँ ।
सरकारले लामो दूरीका सवारी र हवाइ उडान भदौ १५ सम्म बन्द गर्ने निर्णय गरेको छ । सोमबार बसेको मन्त्रिपरिषद् बैठकले यस्तो निर्णय गरेको हो ।
सरकारले यसअघि भदौ १ गतेदेखि चल्न दिने निर्णय गरेको थियो । कोरोनाको संक्रमण झन् फैलन थालेपछि बैठकले २ सय भन्दा बढी कोरोना संक्रमित भएका जिल्लामा अत्यावश्यक बाहेकका सवारी साधान भित्रिने र बाहिर जान नदिने निर्णय गरेको छ ।
स्वास्थ्य तथा जनसंख्या मन्त्री भानुभक्त ढकालले भने– ‘अत्यावश्यक परेर पास बनाएका र बिरामी बाहेक अरूको आवागमनमा कडाइ गर्ने निर्णय भएको छ ।’
यस्तै बैठकले भदौ मसान्तसम्म सीमा नाकाहरु बन्द गर्ने निर्णय पनि गरेको उनले बताए ।
