योगेन्द्र योगी
२७ साउन, दोहा ।
बैदेशिक रोजगारीमा जाने अधिकाम्स नेपाली श्रमिक दलालबाट ठगिने गरेको गुनासो आइरहेको बेला बेलायत पठाइदिने भन्दै युएई लगेर अलपत्र परेका दुई २ नेपालीलाई दलालले कुटपिट गरेका छन् ।
राम्रो कमाई हुने प्रलोभन देखाएर दलाललाई ठूलो रकम बुझाएर नेपालबाट मनोहर केसी र टिकाराम बोहोरा बेलायत हिँडे तर उनीहरुलाई बेलायत नभई यूएईमा पुर्याएर अलपत्र परियो ।
आफूहरु अलपत्र पारेको भन्दै न्याय माग्दा उल्टै दलालबाट कुटिएको पिडित टिकाराम बोहोरा बताए । एक महिना तालिम लिएपछि बेलायत पठाईदिने भन्दै आफूहरुलाई यूएई ल्याइएको पिडित बोहोराले बताए ।
बेलायत नपठाएसम्म युएईमै काम लगाईदिने भन्दै दलाल श्याम थापाले उनीहरुलाई आश्वासन दिएको तर त्यो काम पनि नलगाएपछि पिडितहरुले हामीलाई न्याय चाहियो भनेपछि दलाल थापाले कुटेको बताए ।
कुटपिटपछि दलाल थापा फरार रहेको भन्दै पिडितहरुले युएईस्थित नेपाली दूतावास तथा एनआरएन युएईमा उद्दारको लागि निवेदन दिएको बोहोराले बताए ।
उनीहरु जस्तै थापाले अन्य ६३ जना नेपालीहरु संग पनि बेलायत पठाईदिने भन्दै भनेर प्रति व्यक्ति ९ देखि १० लाखसम्म लिएको पिडितहरुले बताएका छन् ।
