३० साउन, काठमाडौं ।
सिन्धुपाल्चोकको जुगल गाउँपालिका – २ लिदिको लामा टोलमा पहिरो जाँदा १३ वटा घर पुरिएका छन् । पहिरोमा परी पाँच घर परिवारका सदस्यहरु सम्पर्कविहीन छन् ।
शुक्रबार बिहान करिब ६ बजेतिर आएको पहिरोले घरहरु पुरिएको जुगल गाउँपालिकाका योजना अधिकृत रामबाबु नेपालले जानकारी दिए । उनले भने– ‘१३ वटा घर पुरिएर देखिँदै देखिँदैन, पाँच घर परिवारका सदस्यहरु सम्पर्कमा हुनुहुन्न ।’ उनले ती घरमा कति कति सदस्य थिए भन्ने यकिन भईनसकेको बताए ।
१५ जना भने पहिरोबाट निस्किएर आफैं लप्सीचौर भन्ने स्थानमा आएर बसेका छन् । अहिले पानी पर्न रोकिए पनि पहिरो झरिरहेकाले उद्धार टोली खटिन सकेको छैन । सो क्षेत्रमा २५–३० घरहरु जोखिममा रहेका छन् ।
