७ भदौ, काठमाडौं । च्याम्पियन्स लिग फुटबलको फाइनल खेल आज हुँदैछ ।
पोर्चुगलको लिस्बनमा राति पौने एक बजे हुने खेलमा जर्मन क्लब बायर्न म्युनिख र पेरिस सेन्ट जर्मेन पीएसजी खेल्दैछन् ।
पाँच पटक उपाधि जितेको बायर्न म्युनिख ११ औं पटक फाइनल खेल खेल्दैछ भने पीएसजी पहिलोपटक च्याम्पियन्स लिगको फाइनलमा पुगेको हो ।
सेमिफाइलनमा बायर्नले लियोनलाई र पीएसजीले लाइप्जिगलाई हराएको थियो ।
लिगका सबै खेलमा उत्कृट प्रदर्शन गरेको बायर्न छैठौं पटक उपाधि जित्ने योजनामा छ भने पीएसजी पहिलोपटक च्याम्पियन्स लिगको उपाधि जितेर इतिहास रच्ने दाउमा रहको छ ।
