१३ भदौ, विराटनगर ।
कोरोना भाईरस ( कोभिड १९) संक्रमण बढिरहेका बेला कसैले सरकारको कामको विरोध र कसैले बचाउ गरिरहँदा नेकपा विराटनगर भने संक्रमितहरुको सेवामा लागेको छ । कोरोना संक्रमण भएर होम आईसोलेसनमा बसेका र कन्ट्रयाक टे«सिङमा परेकाहरुको घर तथा संक्रमणको जोखिम भएका ठाउँहरुमा निर्मलीकरण गर्दै आएको नेकपा विराटनगर–८ ले आज १६ घर निर्मलीकरण गरेको छ ।
नेकपा महानगरको अभियान अन्तर्गत वडा कमिटीले तेस्रो चरणमा १६ घर निर्मलीकरण गरेको तथा संक्रमित र कन्ट्रयाक टे«सिङमा परेकाहरुको परिवारलाई भेटी स्वास्थ्य अवस्था बुझ्नुका साथै स्वास्थ्य लाभको कामना गरिएको नेकपा विराटनगर–८ का अध्यक्ष राम पोखरेलले जानकारी दिए ।
वडाको राधे चोक, बलुवाही बिस्वकर्मा चोक, जिम्दार टोल, राजबंसी टोलका घरहरु समेत गरेर हालसम्म २०० घर निर्मलीकरण गरिएको उनले जानकारी दिए । घर निर्मलीकरणमा नेकपा वडा कमिटी सह ईन्चार्ज सरस्वती ओझा ,वडा कमिटी सचिब ज्ञानबहादुर कार्की , वडा कमिटी सदस्यहरु भुवन राजवंशी, सिताराम राजवंशी , असोक राजवंशी, राकेश राजवंशी,सन्तोष राजवंशी लगायतको उपस्थिति थियो ।
वडा कमिटीको सक्रियतामा सक्रमितहरुलाई आईसोलेसनमा पठाउने र कन्ट्रयाक ट्रेसिङमा परेकाको स्वाब लिन सहयोग समेत गर्दै आएको अध्यक्ष पोखरेलले बताए । वडा कमिटीले संक्रमितहरुलाई स्वास्थ्यलाभमा सहयोग पुग्ने आयुर्वेदिक औषधीसमेत वितरण गर्दै आएको छ ।
