योगेन्द्र योगी
१६ भदौ, दोहा ।
सामाजिक कल्याण संघ जनउद्धार केन्द्र मलेसियाले अशक्त बिरामीको उद्धार गरेको छ । केही समय अगाडि अस्पतालमा आर्थिक अभावले डिस्चार्ज समेत हुन नसकेको एक नेपालीको जनउद्धार केन्द्रको पहलमा उपचार खर्च मिनाहा गरी स्वदेश फर्काइएको हो ।
धनकुटा राजारानीका नन्दकुमार लिम्बू र उनका सहयोगीको रुपमा सोही स्थानका मोहन सुब्बालाई समेत हवाई भाडा उपलब्ध गराई हिमालयन एयरलाइन्सको चार्टर उडानमार्फत स्वदेश फर्काइएको केन्द्रका अध्यक्ष केशु थापा जानकारी दिए । उनलाई लिएर थापा तथा कोषाध्यक्ष देबेन्द्र गिरी मलेसियास्थित क्वालालम्पुर विमानस्थल पुगेका थिए ।
अध्यक्ष थापाले भने– ‘लिम्बुलाई कुनैपनि हालतमा घर फर्काउने संकल्प लिएका थियौं, त्यसैको दौरान कयौं पटक अस्पताल , अध्यागमन लगायत विभिन्न निकायहरुमा धाउँदा पाएको र दिइएको सास्ति उनलाई विमानस्थल पुर्याएर फर्कँदा सबै भुलेको छु ।’
यस कार्यमा कागजी र प्रशासनिक सहयोग गर्ने नेपाली दूतावास मलेसिया, अध्यागमन केन्द्र लगायत विभिन्न ठाउँमा लाग्ने खर्च उपलब्ध गराउन भुमिका खेल्ने मोहन सुब्बा लगायत सम्पूर्ण सहयोगी मनहरुलाई जनउद्धार केन्द्र मलेसियाले धन्यवाद दिएको छ
