१८ भदौ, विराटनगर ।
मोरङको कानेपोखरी गाउँपालिका–७ स्थित चालिस विघे भन्ने ठाँउवाट बुधबार साँझ तास खेलिरहेको अवस्थामा १२ जना जुवाडेलाई प्रहरीले पक्राउ गरेको छ ।
इलाका प्रहरी कार्यालय पथरीका डिएसपी दिलिप गिरिको नेतृत्वमा खटिएको प्रहरी टोलीले कानेपोखरी–७ स्थित किशोर लुइटेलको घरमा तास खेलिरहेको अवस्थामा ३ लाख ५ हजार १ सय ३१ रुपैयाँ सहित उनीहरुलाई पक्राउ गरेको मोरङ प्रहरीका प्रवक्ता मानबादुर राइले जानकारी दिए ।
पक्राउ पर्नेहरुमा वेलवारी नगरपालिका १ का बिमल गुरुङ, कृष्ण लिम्बु, चन्द्र लिम्बु श्याम लिम्बु, यसै गरी लेटाङग नगरपालिकाका समिर तामाङ, झापा विर्तामोड नगरपालिकाका सञ्जिव घतानी, लक्ष्मीकुमार तामाङ ,र हल्दिवारी गाँउपालिकाका ताराकुमार जोगी रहेका छन् ।
यसैगरी झापा बुद्धशान्ति गाउँपालिकाका मनिस लिम्बु, धरानका रुपजगं लिम्बु किरण उदास र इटहरीका राजन पौडेललाई प्रहरीले पक्राउ गरेको छ ।
