२३ भदौ, काठमाडौँ ।
इन्टरनेट सेवा प्रदायक क्लासिक टेक प्रा.लि.ले पछिल्लो दिनमा आफ्ना ग्राहकहरुको लागि सेवा बिस्तार गर्ने क्रमलाई तिब्रता दिएको जनाएको छ । कम्पनीले अहिलेको विषम परिस्थितीमा इन्टरनेट सेवाका साथै विभिन्न संघ संस्थाहरुले प्रयोग गर्ने इन्ट्रानेट सेवापनि उपलब्ध गराउँदै आएको बताएको छ ।
क्लासिक टेकले पश्चिमको बझाङ्ग, बाजुरादेखि पूर्वमा ताप्लेजुङ्गसम्म आफ्नो इन्ट्रानेट सेवाबिस्तार गरेर सेवाउपलब्ध गराएको छ । यी क्षेत्रहरुसम्म सेवा बिस्तार गर्नु निकै कठिन र चुनौतीपूर्ण रहँदै आएको कम्पनीको भनाइ छ । इन्ट्रानेट सेवा विशेष गरि बैंक तथा वित्तीय संस्थाहरुको लागि निरन्तर मागअनुसार जडान गर्दै आएको छ ।
लकडाउनको समयमा पनि निरन्तर जडान र ग्राहकलाई सेवा प्रदानगर्दै आएको कम्पनीको भनाइ छ। कोरोना संक्रमणको जोखिमसँगै प्रयोग हुँदै आएको टेलि मेडिसिन सेवामा पनि यो सेवा उपयोग गर्न सकिने छ । देशका दूर्गम भेगहरुमा टेलिमेडिसिन सेवाप्रयोग र उपयोग गरेर डाक्टरहरुले बिरामीहरुको उपचार गर्न सकिन्छ । यसको लागि क्लासिक टेकको गुणस्तरीय र भरपर्दाे सेवाले टेलिमेडिसिन सेवालाई विश्वसनिय बनाउनेछ ।
नेपालको प्रमुख इन्टरनेट सेवाप्रदायक कम्पनी मध्येको एक क्लासिक टेकले ग्रामीण भेगका कतिपय स्थानहरुमा विद्युतको उपलब्धता नभएपनि सो स्थानमा सोलार प्रणालीमार्फत इन्ट्रानेट सेवा उपलब्ध गराएको छ ।
