२ असोज, काठमाडौँ ।
सरकारको सिफारिसमा राष्ट्रपति विद्यादेवी भण्डारीले २८९ जना कैदीहरूको बाँकी कैद मिनाहा गरेकी छिन् । उनीहरुले संविधान दिवसकाे अवसरमा असोज ३ गतेदेखि लागू हुने गरी माफी पाएका हुन् ।
साथै, मन्त्रिपरिषद्को सिफारिसमा रामदयाल मण्डल खत्वेलाई अदालतबाट भएको फैसलाबमोजिम लागेको कैद सजाय र जरिवाना समेत माफी दिइएको राष्टपतिको कार्यालयका प्रवक्ता हरिप्रसाद दहालद्वारा जारी विज्ञप्तिमा उल्लेख गरिएको छ ।
संविधानको धारा २७६ को फौजदारी कसुर ऐन, २०७४ र फौजदारी कसुर (कैद कट्टा)नियमावली, २०७६ को व्यवस्था अनुसार असल चालचलन भएका कैदी बन्दीको कैद मिनाह गर्न सक्ने व्यवस्था छ । त्यसका लागि मन्त्रिपरिषद्ले राष्ट्रपतिका लागि सिफारिस गर्नु पर्छ ।
