काठमाडौँ : ललितपुरस्थित महालक्ष्मी नगरपालिकाका मेयर रामेश्वर श्रेष्ठ र उहाँकी श्रीमतीमा कोरोना संक्रमण पुष्टि भएसँगै केही दिनदेखि किष्ट मेडिकल कलेज, किस्ट अस्पतालमा क्याबिनमा भर्ना हुनुभएको छ ।
सरकारी निकायका उच्च व्यक्तिहरु कोरोना पुष्टि हुनासाथै अस्पतालको क्याबिनमा भर्ना भई जनताले तिरेको करबाट प्राईभेट अस्पताललाई शुल्क तिर्छन भने सर्वसाधारण नागरिकलाई कोरोना संक्रमण भएपनि लक्षण नदेखिएसम्म परिक्षण सम्म नगर्नु भन्ने सरकारको विभेदकारी निर्देशनको नगरपालिका भित्रै प्रश्न उठेको नगरपालिकाका स्रोतले जनाएको छ ।
काठमाडौ नगरपालिकाका मेयर विद्यासुन्दर शाक्यको उपचार खर्चका बिषयमा खोजी भएजस्तै महालक्ष्मी नगरपालिकाका मेयरको पनि प्राईभेट अस्पतालको क्याबिनको महँगो शुल्क कुन स्रोतबाट तिर्ने भन्ने बारेमा खोजी शुरु भएको स्रोतले जनाएको छ ।
पछिल्लो समय किष्ट मेडिकल कलेमा सिटिजन बैंकका १३ जना कर्मचारी पनि भर्ना भै उपचार गराएका छन् । किष्ट मेडिकल कलेजमा विशेषगरि सर्वसाधारण भन्दा भिआईपीहरु भर्ना गर्ने र लकडाउनको अवधिमा अन्य बिरामी नआएको शुल्क असुल उपर गर्ने अस्पताल व्यवस्थापनको लक्ष्य रहेको स्रोतले जनाएको छ ।
किष्ट मेडिकल कलेजमा अहिले पनि महालक्ष्मी नगरपालिकाका मेयर परिवार सहित २० जना भन्दा बढी कोरोना संक्रमित आईसोलेसनमा रहेको स्रोतले जनाएको छ । यतिबेला नीजि क्षेत्रबाट संचालित संस्थागत अस्पतालहरुको बसाई भिआईपीका लागि मस्ती र सर्वसाधारणका लागि सास्ती बन्दै गएको कोरोना संक्रमणको रिपोर्ट फरक फरक दिएर आईसियु र भेन्टीलेटर हुँदै महगो शुल्कको मारमा परेका नरदेवीका अफ्ता आलम मकरानीका आफन्त बताउँछन् ।, याे खबर नेपाल समाचारपत्र दैनिकमा छ ।
