८ असोज, उदयपुर ।
उदयपुरको त्रियुगा नगरपालिका २ स्थित फत्तेपुरबाट लागुऔषध सहित ६ जना पक्राउ परेका छन् । पक्राउ पर्नेमा त्रियुगा १२ का १९ बर्षीय रजामुद्धिन अन्सारी, २० बर्षीय मिलन बिश्वकर्मा, बर्ष २० कै सागर पौडेल, २२ बर्षीय शिब अधिकारी, बर्ष २२ कै बिशाल मगर र २४ बर्षीय दिलिप घिमिरे रहेका छन् ।
बिशेष सुराकका आधारमा बिहीबार विहान साढे ७ बजे जिल्ला प्रहरी कार्यालय उदयपुरबाट खटिएको प्रहरी टोलीले उनिहरुलाइ फत्तेपुरबाट नियन्त्रणमा लिएको थियो । नियन्त्रणमा पश्चात उनीहरु माथि चेकजाँच गर्दा फेनारगन ३५ एम्पुल, डाईजोपाम ३५ एम्पुल, लुपिजेसिक ३५ एम्पुल गरी १०५ एम्पुललागुऔष बरामद गरेको हो । यसै गरी उनीहरुले प्रयोग गर्ने स १ प ३२२४ नम्बरको मोटरसाईकल समेत बरामद गरिएको छ ।
यस्तै उदयपुरको प्रहरी टोलीले नै उदयपुर त्रियुगा–६ लालपत्ताबाट लागुऔषध सहित दुई जनालाई पक्राउ गरेको छ । पक्राउ पर्नेमा सप्तरी कृष्ण सबरमका ३१ बर्षीय प्रबेश मिया र २६ बर्षीया हजारुम खातुन रहेका छन् । उनीहरु श्रीमान श्रीमती रहेको प्रहरीले जनाएको छ । प्रहरीले उनीहरुको साथबाट फेनारगन ६० एम्पुल, डाईजोपाम ६० एम्पुल, लुपिजेसिक ६० एम्पुल गरी १८० एम्पुल लागु औषध बरामद गरेको हो ।
लागुऔषध सहित पक्राउ परेका आठै जनामाथि थप अनुसन्धान भईरकेको प्रहरीले जनाएको छ।
