९ असोज, नवलपरासी । नवलपरासीको बर्दघाट सुस्तापूर्व नवलपुरको दाउन्नेमा पहिरो खसेपछि बस दुर्घटना हुँदा एक जनाको ज्यान गएको छ भने छ जना घाइते भएका छन् ।
विनयी त्रिवेणी गाउँपालिका-२ दाउन्नेमा विश्वकर्मा मन्दिर नजिक पहिरो खसेपछि बस पल्टिँदा घाइते भएका रुकुमपश्चिम आठबीसकोट गाउँपालिका–१० का २५ वर्षका हरिषचन्द्र केसीको पुरानो मेडिकल कलेज भरतपुरमा ज्यान गएको प्रहरीले जनाएको छ ।
घाइते ६ जनाको पुरानो मेडिकल कलेज भरतपुरमा उपचार भइरहेको छ । यसैबीच दाउन्नेमा पहिरो खसेपछि राजमार्गमा एकतर्फीरुपमा गाडी चलिरहेको छ । हिजो बिहान खसेको पहिरो हटाए पनि राति फेरि पहिरो खसेपछि अहिले एकतर्फी आलोपालो गरि गाडी चलिरहेका प्रहरीले जनाएको छ ।
