यू–१९ एसिया कपको उपाधि भारतलाई

0SHARES

२२ आश्विन २०७५ नेपाल टाईम्स

एजेन्सी,असोज २२

बंगलादेशमा आइतबार सम्पन्न एसीसी यू १९ एसिया कप क्रिकेटको उपाधि भारतले जितेको छ । फाइनलमा श्रीलंकालाई १ सय ४४ रनले पाखा लगाउदैँ भारतले उपाधि जितेको हो ।

भारतले दिएको ३ सय ५ रनको लक्ष्य पछ्याएको श्रीलंका ३८.४ ओभरमा अल आउट हुदैँ मात्र १ सय ६० रन बनाउन सक्यो । टोलीका लागि निशान मधुशकाले ४९ ,डान पासिन्डु सन्जुलाले ३१ ,नबोद दिनुश्री ४८ र निपुन धनान्जयले १२ रन बनाउन बाहेक अन्य कुनै पनि ब्याट्सम्यानले दोहोरो अंकमा रन जोड्न सकेनन् ।

श्रीलंकालाई सस्तैमा रोक्न हर्ष त्यागीले उत्कृष्ट बलिङ गरे । उनले १० ओभरमा ३८ रन खर्चेर ६ विकेट लिए । त्यस्तै सिद्धार्थ देसाईले पनि दुई विकेट लिए । यस अघि टस जितेर पहिला ब्याटिङ गरेको भारतले निर्धारित ५० ओरभमा ३ विकेटको क्षतिमा ३ सय ४ रन बनाउन सकेको थियो ।

भारत लागि यशस्वा जैसवालले ८५, अनुज राउत ५७,आयुष बादोनी ५२, प्रभा सिमरन सिंह ६५ र देभदत्त पड्कलले ३१ रन बनाएका थिए ।

श्रीलंकाका लागि कलना परेरा ,कालरा शमिन्डा सेनारत्न र दुनीथ नेथमिकाले समान एक विकेट लिए । यू–१९ कपमा नेपालको पनि सहभागिता रहेको थियो । नेपाल सुरुवाती खेलमा भारत र अफगानिस्तानसँग पराजित भएपछि समुह चरणबाटै बाहिरिएको थियो ।

विज्ञापन बक्स