९ असोज,इटहरी ।
इटहरीका बिभिन्न ठाँउमा इटहरी उपमहानगरपालिकाले फ्रि वाईफाई सेवा उपलब्ध गराएको छ ।
सूचना प्रविधि अधिकृत ओशन चौधरीका अनुसार इटहरी उपमहानगरले वल्र्डलिंकसँगको सहकार्यमा तत्कालका लागि उपमहानगर परिसर,रेयुकाई चौतारी इटहरी मेनचौक,इटहरी बसपार्क,बुढिगंगा, मुक्तिघाट,लक्ष्मी नारायण मन्दिर पचरुखी चौक,वडा नम्वर २० को वडा कार्यालय परिसर तरहरा वजार र तालतलैया पार्कमा निशूल्क वाइफाई सेवा उपलब्ध गराएको हो ।
इटहरीका अन्य ठाँउमा समेत विस्तार गर्ने योजना रहेको सूचना प्रविधि अधिकृत चौधरीले जानकारी दिए । सर्वसाधारणमा सूचना प्रविधिमा सहज पहुँच स्थापित गर्दै सूचना प्रविधिमैत्री उपमहानगर वनाउन फ्रि–वाईफाई सेवा उपलब्ध गराउन थालिएको उपमहानगरले जनाएको छ ।
केही समयअघिदेखि विराटनगर महानगरले पनि मुख्य चोक क्षेत्रहरुमा निशुल्क वाईफाई सेवा सुरु गरेको छ ।
