विराटनगर, माघ ६
आरोहण गुरुकुल विराटनगरमा आज देखि नाटक ‘सरजमिन’ मञ्चन हुने भएको छ । लेट्स इन्टरटेन्मेन्टको आयोजनामा जारी दोस्रो पूर्वाञ्चल नाट्य यात्राका क्रममा मण्डला थिएटर नेपालले प्रवीण खतिवडाद्धारा निर्देशित नाटक ‘सरजमिन’ आरोहण गुरुकुलमा मञ्चन हुने भएको हो ।
हाटखोलास्थित सुशीला कोईराला नाटकघरमा आज शनिबारदेखी आगामी ८ गते सोमबार सम्म नाटक मञ्चन हुनेछ । उक्त नाटक दैनिक २ पटक दिउँसो १ र अपराहन्न ४ बजे मञ्चन हुनेछ ।
नाटकमा बुद्धि तामाङ, विजय बराल, सोमनाथ खनाल, विकास जोशीसहितका कलाकारहरुको अभिनय रहने आयोजकले जनाएको छ ।
