एजेन्सी । (संयुक्त अरब इमिरेट्स) दुबाईमा इद मनाएर फर्किएकाहरु चढेको बस दुर्घटना हुँदा १७ जनाको ज्यान गएको छ ।
पाँच जना घाइते भएका छन् । बिहीबार बेलुकी ओमानबाट फर्किएको बस रासिदियाको शेख मोहम्मद बिन जायद रोडमा दुर्घटना भएको दुबई प्रहरीलाई उद्धृत गर्दै अन्तराष्ट्रिय सञ्चारमाध्यमहरुले जनाएका छन् । विभिन्न देशका ३१ जना चढेको बस दुर्घटना भएको हो ।
दुर्घटनामा ज्यान गुमाएका सबैजनाको शव रासिद अस्पतालमा राखिएको छ भने घाइतेको पनि त्यहीँ उपचार भैरहेको खबरमा उल्लेख छ । दुर्घटनामा एक जोडी दम्पती बेपत्ता भएको पनि अन्तराष्ट्रिय सञ्चारमाध्यमहरुको समाचारमा उल्लेख गरिएको छ । दुर्घटनाको कारण बारे अनुसन्धान भइरहेको छ ।
