विराटनगर, वैशाख १७
प्रदेश न .१ का प्रदेश प्रमुख प्रा.डा. गोबिन्दबहादुर तुम्वाहाङले बृहत्त विराट क्षेत्र विकास सम्बन्धमा व्यवस्था गर्न बनेको विधेयक —२०७५ मंगलबार प्रमाणीकरण गरेका छन् ।
विधेयक प्रमाणिकरणपछि लामो समयदेखि थाँती रहँदै आएको प्रदेशको नामाकरण र राजधानीको बिषय टुंगो लगाउन प्रदेश सरकारलाई बाटो खुलेको छ ।
प्रदेश प्रमुखले हालसम्म २७ विद्येयक प्रमाणिकरण गरिसकेको प्रदेश प्रमुखका प्रेस सल्लाहाकार शेखर रेग्मीले जानकारी दिए । नेपालको संविधान धारा २०१ (१) र प्रदेश न.ं१ को प्रदेशसभा नियमावली, २०७४ को नियम १११ बमोजिम प्रदेशसभाको बैशाख १५ गते बसेकोे तेस्रो अधिबेशनको ३३ आंै बैठकले यो विधेयकलाई पारित गरेको हो ।
१२ धारा रहेको विधेयकमा मोरङ र सुनसरीका गाउँपालिका, नगरपालिका र महानगरपालिकाको १८ क्षेत्रलाई समेटेर वृहत्त विराट विकासक्षेत्र बनाउने उल्लेख गरिएको छ । यसरी निर्माण गरिने वृहत्तर विराटक्षेत्र निर्माणको लागि समिति गठन गरिनेछ ।
