२० मंसिर, एजेन्सी।
भ्रष्टाचार काण्डमा अष्ट्रियाका पूर्ब अर्थमन्त्रीलाई आठ वर्षको कैद सजाय तोकिएको छ । अष्ट्रियाका पूर्ब अर्थमन्त्री कार्ल हेन्ज ग्रासरलाई न्यायालयले सार्वजनिक अपार्टमेन्ट बेच्न घुस लिएको ठहर गर्दै जेल सजाय तोकेको छ ।
अदालतको आदेशमा पूर्ब अर्थमन्त्री ग्रासरले करिब ९० लाख पाउण्ड भ्रष्टाचारमा संलग्न रहेको ठहर गरेको छ । उनले भने आफ्नो गल्ती अस्वीकार गरी उच्च न्यायालयमा अपील गर्ने जनाएका छन् । सन् २००० मा ग्रासर अष्ट्रियाको इतिहासमै सबैभन्दा कान्छो अर्थमन्त्रीको रुपमा नियुक्त भएका थिए। उक्त मुद्दामा १४ जनालाई विपक्षी बनाइएको छ ।
अदालतले एक बिचौलियामार्फत् अर्थमन्त्री ग्रासरले ६० हजार सार्वजनिक अपार्टमेन्टलाई नीजिकरण गर्ने ठेक्कामा सूचना चुहाएको जनाएको छ । तीन वर्षपछि उक्त अपार्टमेन्ट ९६ करोड ६१ लाख पाउण्डमा बिक्री गरिएको थियो । जुन दर खरिद गरिएको दरको दोब्बर थियो । खरिद गर्ने कम्पनीले कुल मूल्यको एक प्रतिशत ९० लाख ६० हजार पाउण्ड कमीशन बापत् अष्ट्रियाको फ्रिडम पार्टीका महासचिब वाल्टर मेसवर्गर र पिटर होगरलाई उपलब्ध गराएको थियो । अदालतले पछि उक्त रुपियाँ तीन खातामा स्थानान्तरण गरिएको पाएको छ ।
एएफपी सामाचार स्रोतका अनुसार सयौं प्रत्यक्षदर्शीको बयान र टेलिफोन रेकर्डबाट उक्त भ्रष्टाचार काण्डमा मन्त्री ग्रासरको संलग्नताको पुष्टि भएको छ ।
