४ पौष, काठमाडौं । अमेरिकाको ऊर्जा विभागले आफूमाथि हालसम्मको सबैभन्दा ठूलो ऊर्जा हमला भएको जानकारी दिएको छ ।
यो विभाग अमेरिकाको परमाणु हतियारको रेखदेखका लागि जिम्मेवार छ । यद्यपि, विभागले हतियारको भण्डारको सुरक्षामा यो ह्याकिङको कुनै पनि प्रभाव नपरेको स्पष्ट जानकारी दिएको छ ।
टेक कम्पनी माइक्रोसफ्टले पनि बिहिबार आफ्नो सिस्टममा एक खतरनाक सफ्टवेयर पाइएको जानकारी दिएको छ ।
यो साइबर हमला रुसले गरेको हो कि भन्ने आशंका गरिएको छ । तर रुसले स्पष्ट रुपमा अस्विकार गरेको छ ।
गत आइतबार अमेरिकाको ट्रेजरी एण्ड कमर्स डिपार्टमेन्टमा साइबर हमलाको जानकारी सार्वजनिक भएको थियो । अधिकारीका अनुसार लगभग एक महिनादेखि यो साइबर हमला जारी भइरहेको थियो जसबारे आइतबार पत्ता लाग्न सकेको थियो ।
यो साइबर हमलामा अहिलेसम्म राष्ट्रपति ट्रम्पको कुनै प्रतिक्रिया सार्वजनिक भएको छैन ।
यस्तै, नव निर्वाचित राष्ट्रपति जो बाइडेनले साइबर सुरक्षालाई आफ्नो प्रशासनको सबैभन्दा ठूलो प्राथमिकता बताएका छन् ।
बाइडेनले भने, ‘सबैभन्दा पहिले हामीले आफ्नो विरोधीलाई साइबर हमलाबाट रोक्नुपर्नेछ । हामी यस्तै गर्नेछौं र यो हाम्रो प्राथमिकता हुनेछ । यस्तो प्रकारको हमला गर्नेहरुले भारी मूल्य चुकाउनु पर्नेछ र यसका लागि हामी आफ्ना सहयोगी र साथी देशसँग साँठगाँठ गरेर पनि लागू गर्नेछौं ।’
अमेरिकाको सबैभन्दा ठूलो साइबर एजेन्सी साइबर सेक्युरिटी इन्फ्रास्ट्रक्चर एजेन्सी (सीसा)ले बिहिबार यो साइबर हमलासँग जुध्न निकै जटिल र चुनौतीपूर्ण हुने बताएका छन् ।
सीसाका अनुसार यो हमलाले महत्वपूर्ण आधारभूत ढाँचा क्षतिग्रस्त भएको थियो । फेडरल एजेन्सी र नीजि क्षेत्रका कम्पनीको सुरक्षामा क्षती पुगेको छ र यस्तो क्षतीले गम्भीर खतरा निम्त्याउने गर्छ ।
सीसाका अनुसार यो ह्याकिङ मार्च २०२० देखि नै सुरु भएको थियो र यसको पछाडि जति मानिसहरुले छन् उनीहरुले धैर्य, परिचालन सुरक्षा र जटिल ट्रेडक्राफ्टसहित यसलाई निष्कर्षमा पुर्याएका छन् ।
एजेन्सीले अहिलेसम्म यो हमलामा कस्ता सूचना चोरियो भन्ने जानकारी पत्ता लगाउन सकेको छैन ।
ऊर्जा विभागमा हमलालाई सम्बोधित गर्दै प्रवक्ता शायलिन हाइन्सले म्यालवेयरले बिजनेस नेटवर्कलाई मात्र क्षती पुर्याएको बताएका छन् ।
उनका अनुसार परमाणु हतियारको सुरक्षाका लागि जिम्मेवार नेशनल न्यूक्लियर सिक्योरिटी एडमिनिस्ट्रेशन अथाएत् एनएनएसएको सुरक्षा अपरेशनमा कुनै क्षती पुगेको छैन । –बीबीसी
