१९ पौष, विराटनगर । पछिल्लो २४ घण्टामा देशभर ४ सय २१ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
योसँगै देशभर संक्रमितको संख्या २ लाख ६१ हजार ८५९ पुगेको छ । सक्रिय संक्रमितको संख्या ५ हजार ४८७ छ भने क्वारेन्टाइनमा ३६७ जना रहेका छन् । त्यसैगरी २४ घण्टामा ६३७ जना निको भइ डिस्चार्ज भएका छन् ।
योसँगै कोरोनाबाट निको हुनेको संख्या २ लाख ५४ हजार ४९४ पुगेको छ । २४ घण्टामा कोरोनाबाट ८ को मृत्यु भएको छ र हालसम्म कोरोनाबाट ज्यान गुमाउनेको संख्या १ हजार ८७८ रहेको छ ।
